Thai beverage Public Company Limited က ၇၅% ပိုင်ဆိုင်သောမြန်မာနိုင်ငံရှိ အဖျော်ယမကာ လုပ်ငန်းစုဖြစ်သည့် Grand Royal Group International Co., Ltd. (GRGI) ရန်ကုန် ၊ မှော်ဘီစက်ရုံ၌ ၂၀၂၃ ခုနှစ်၊ ဇန်နဝါရီလ (၁၃) ရက်နေ့၊ သောကြာနေ့က မီးလောင်မှုဖြစ်ပွားခဲ့ပါသည်။ ရဲစွမ်းသတ္တိရှိရှိနှင့် စွမ်းစွမ်းတမံ မီးငြိမ်းသတ်ပေးခဲ့ကြသော မြန်မာနိုင်ငံ မီးသတ်ဌာန က မီးသတ်သူရဲကောင်းများ၊ သန္ဓေမီးသတ်တပ်ဖွဲ့ဝင်များ၊ နှင့်အတူ ဝိုင်းဝန်း ကူညီပေးခဲ့ကြ သော စေတနာ့ဝန်ထမ်းများ ၊ ကုမ္ပဏီ ဝန်ထမ်းများ က အတူတကွ မီးငြိမ်းသတ်ပြီးနောက် ၊ ဇန်နဝါရီလ (၁၄) ရက်နေ့ နံနက်အစောပိုင်းတွင် အောင်မြင်စွာ မီးငြိမ်းသတ်နိုင်ခဲ့ပါသည်။ ဖြစ်စဉ်တွင် မီးသတ်သူရဲကောင်းများ နှင့်၊ စေတနာ့ ဝန်ထမ်း စုစုပေါင်း (၁၉) ဦး ထိခိုက်ဒဏ်ရာ ရရှိခဲ့ပြီး၊ ၄င်းတို့မှာ ဆေးရုံတွင် ဆေးကုသမှု ခံယူလျက်ရှိနေပါသည်။ ၄င်းတို့အနက် (၁၇) ဦးမှာ ဆေးရုံက ဆင်းနိုင်ခဲ့ပြီး၊ ကျန် (၂)ဦးမှာ စိုးရိမ်ရသည့် အခြေအနေ မရှိပါ။
အရက်သိုလှောင်သိမ်းဆည်းရာနေရာတွင်၊ မီးစတင်လောင်ကျွမ်းခဲ့ပြီး၊ သိုလှောင်ထားသည့် ၉၆%အရက်ကြမ်းများ ၊ အရက်ဖျော်စပ် ရာတွင်အသုံးပြုသော tank ကြီးများ ထိခိုက်ဆုံးရှုံး၊ ပျက်စီးမှု ဖြစ်ပေါ်ခဲ့ပါသည်။ ပင်မ အရက်ချက်စက်ရုံ၊ ပုလင်းသွင်းစက်ရုံ နှင့် နှစ်ချို့အရက်စည်များ အခြမ်းသို့ မီး ကူးစက်လောင်ကျွမ်းခြင်း မရှိခဲ့ပါ။
မီးလောင်မှုဖြစ်ပွားစေသည့် အကြောင်းအရင်းကို စုံစမ်းစစ်ဆေးဆဲဖြစ်ပြီး၊ ယခု သိရှိရသည့် အထောက် အထားများအရ မတော်တဆ မီးလောင်ကျွမ်းမှု ဖြစ်သည်ဟု ယူဆရပါသည်။ ကုမ္ပဏီအနေနှင့် ဒေသဆိုင်ရာ အာဏာပိုင်များ နှင့် မီးလောင်မှု ဖြစ်စဉ်အတွက် ပူးပေါင်းဆောင်ရွက်လျက်ရှိပြီး၊ သက်ဆိုင်ရာ အာမခံကုမ္ပဏီများ နှင့်လည်း သင့်တော်သော ဆုံးရှုံးမှု ပမာဏာအတွက် ဆွေးနွေးလျက်ရှိနေပါသည်။
“ကျွန်တော်တို့ အနေနဲ့ မီးလောင်မှုဖြစ်စဉ်အတွင်း ဝိုင်းဝန်းကူညီပေးခဲ့ကြတဲ့သူများအားလုံးကို အထူးပဲ ကျေးဇူးတင် ပါတယ်ခင်ဗျာ။ GRGI က စီမံအုပ်ချုပ်မှုအဖွဲ့ဟာ လိုအပ်တဲ့ လုပ်ဆောင်မှုများကို လုပ်ဆောင်နေပြီ ဖြစ်ပြီး၊ ၂၀၂၃ ခုနှစ် ဖေဖော်ဝါရီလနောက်ဆုံးထားပြီး၊ အရက်ချက်လုပ်ခြင်းနှင့် ပုလင်းသွတ် လုပ်ငန်းများ ပြန်လည် စတင် နိုင်မယ်လို့ ခန့်မှန်းပါတယ်။ မန္တလေး စက်ရုံက တော့ အရင်အတိုင်း လည်ပတ်ဆဲဖြစ်ပါတယ်။ ကျွန်တော်တို့ အနေနဲ့ စျေးကွက် ထဲမှာ ပစ္စည်းပြတ်လတ်မှု မရှိစေရအောင် ကုန်ပစ္စည်း ဖြန့်ဖြူး သူတွေနဲ့ စနစ်တကျ လုံလောက်တဲ့ ကုန်ပစ္စည်း တွေထားရှိပြီး ဖြစ်ပါတယ်။” ဟု GRGI ရဲ့ စီအီးအို ရာဟူးလ်ဂျွန်ကိုလာကိုလ် က ပြောကြားခဲ့ပါတယ်။
